السبت، 23 يونيو 2012

مزاد وقلب للبيع ..

فتحنا المزاد ..
قلب أبيض للبيع
قربى يا هانم
قرب يا بِيه
قلب أبيض ميساويش حتى جِنيه ..

فتحنا المزاد ..
قلب أبيض للبيع
قربى يا هانم
قرب يا بِيه
قلب أبيض طاحناه الايام
و مفيِش شئ بـ إيديه ..
قربى يا هانم
قرب يا بِيه
قلب أبيض مليان احزان
مش لاقى حّتى اللى يِداويه ..
قربى يا هانم
قرب يا بِيه
قلب أبيض غلبان شقيان
مين راح يزود كام جنيه ..

فتحنا المزاد ..
قلب أبيض للبيع
قربى يا هانم
قرب يا بِيه
قلب أبيض هلكته الاحلام
مِين راح يزايد اوام عليه ..
قربى يا هانم
قرب يا بيه
قلب أبيض مقتول من زمان
قلب أبيض مِين راح يشتريه ..

فتحنا المزاد ..
قربى يا هانم
قرب يا بيه
و مين يشترى قلب أبيض
ميساويش حتى كام جنيه .. !

هناك تعليقان (2):

  1. موجعه فكرة ان تباع القلوب
    لا تحزني .. فالقلوب البيضاء لا تقدر بثمن
    حتى وان بيعت بمزاد

    ردحذف