الاثنين، 25 يونيو، 2012

بَشتاق


بشتاق كتير أضحك ..
ضِحكه مِن قَلبى
تِختم بـ دمعه
مِن عينى
و أشتاق أحكى
عّن حَاجات
جوايا مَكتومه
رافَضانى مَهزومه
و أشَتاق أفرح
يِمكن أنسى
جِراح كَانت
أو حّتى
شويِه مِن أحَزانى
بَشتاق لـ فَرحه
مِعاك كَانت
الدنيَا تِضحكلى
و تَأخدنى بـ الاحَضان
و الورد يِندهلى
يِرسمنى بـ الالوان
النِسمه تِكتبلى
حروفى بـ الالوان
البَحر يِندهلى
يِعزفلى الالحَان
بَشتاق أضحك
مِعاك ضِحكه
زى زمَان ..
و أشتاق أرسم وشوش
ضَاحكه مـ الفرحه
بَاسمه و مِبتسمه
و وشوش حَزينه مَجروحه
وشوش سَارحه
فـ الدنِيا
و وشوش بـالكدب مَعجونه
بـ أشتاق أكتب حروف إسمك
ع الرمله و مِعاها أحلم
بـ بِيت و سَفينه
و أشتاق أسرح
فـ أحلامى مِعاك
و لِسانى بَشتاق
لـ ضَحكى و فَرحى
فـ لؤاك ..
 

هناك 8 تعليقات:

  1. كلمات اكثر من رائعة

    تسلم ايدك

    مع خالص تحياتى

    ردحذف
    الردود
    1. أسعدنى مرورك وربى يسلمك :)

      حذف
  2. كلماتك رائعه فى بساطتها

    تسلم ايدك :))

    ردحذف
    الردود
    1. ميرسى يا قمر ^^
      هى رائعه بس عشان شوفتيها كده :)

      حذف
  3. كلمات جميله .. منتهى الإبداع

    ردحذف
    الردود
    1. وجودك أجمل :)
      أسعدنى وجودك :)

      حذف
  4. رقيقة اوى تسلم ايدك

    ردحذف