الأحد، 1 أبريل، 2012

إنتى مِين

سَئلنى مَره .. إنتى مين
قولتله
انا الاحَاسيس
ع الورق
انا الغناوى
بين العاشقين
الحَكاوى ف السَهر
الحروف المتبعترين
ع الورق
الضى فى لون القَمر
حّتى نور الشَمس
فى الصَبح البرئ
دى أنا
انا اللؤا بين الآحبه
والكلام بين القلوب
الضَحكه الصافيه بينهم
السّما وقت الغروب
لونَها الصافى الجَميل
كُل دول أنا
انا البَحر فى الليل
مَعكوس فِيه القَمر
انا الدَمعه فى العَيون
وقَت الزَعل
لَمعتها فى الفَرح
الصَبح اللى جَاى
يِشق الظَلام
يَغنى للامَل
يَقتل اليأس
و الاسِتسلام
يَحقق الاحَلام
بـ الامَل
انا الجِنان
رافَضه الانِهزام
دايَما بَبص لـ قُدام
بَقتل المَاضى
عَايشه بـ الاحَلام
أى نَعم هىٍ أحَلام
و كِتير شَايفينها اوهام
بس هى دى أنا
شويَه حاجات كِده
مَتلغبطه و مَتشخبطه
بس عَاجبانى كده
عَرفت انا مين :)
1/4/2012 .. 2:17 PM 

ليست هناك تعليقات:

إرسال تعليق